Natureza, termalismo e Viño é o CAMIÑO MIÑOTO RIBEIRO AO SEU PASO POLO CONCELLO DE A ARNOIA

O Camiño Miñoto Ribeiro é un dos vieiros máis antigos que enlazaban o norte de Portugal coa cidade do Apóstolo Santiago. Indudablemente estamos a falar da outra vía excepcional que unía o norte de Portugal con Galicia, trátase da Ruta do Interior, en contraposición á ruta da costa por Tui e Valença.

Dende o norte de Portugal (Monçao, Melgaço, Castro Leboreiro), atravesa os concellos de *Padrenda, Pontedeva, Cortegada, Arnoia, Castrelo de Miño, Ribadavia, Beade, Leiro, Carballiño, Boborás, Beariz, Cerdedo*, Forcarei, A Estrada, Vedra e Boqueixón, chegando a Santiago de Compostela.

O preregrino achégase á Arnoia dende as terras de Cortegada de Baños – coñecida polos seus baños e as súas augas quentes-, San Martiño de Valongo, A Barca, Louredo (Mosteiro de San Vicente) e Meréns, a onde chegarían aqueles que viñan das terras de Gomesende logo de descansar no Priorato de Refoxos, e, xa en dirección á Arnoia, terra tamén de augas termais e viño, cara Ponte Castrelo, onde se lle unirían as xentes das terras de Celanova, ou cara á Reza ata Ribadavia.

É neste tramo de A Arnoia a Castrelo de Miño onde existía unha Ponte que, durante trescentos anos, os peregrinos que procedían da Arnoia, pasaban por ela en dirección a Sampaio de Ventosela. No século XVI a Ponte sofre un derrube e toma importancia A Barca: pasaban as mercadorías, pedra, viño, madeira, transeúntes e peregrinos para ir a Santiago; os que procedían de Portugal chegaban á Reza, onde se situaba a Barca na marxe esquerda do río Miño, e pasaban á marxe dereita, onde entraban en Ribadavia. Ao chegar alí, pasaban para San Cristobo de Rego de Eigón, a Ponte da Veronza ata Beade, de aí a Boborás, Beariz, terra de Montes, terra de Tabeirós, e a Compostela.

A intención de todos os Concellos é Recoñecer o Camiño, Sinalizalo, Rehabilitalo para a súa continuidade como Ruta a Compostela, dar a coñecer e pasear os Monumentos, as Serras, os Ríos, os Prioratos, as Igrexas, as Augas termais, os seus viñedos viños e gastronomía.

Moitas son as razóns para non esquecer O Camiño, senón revivilo e facelo brillar cando pasa polo noso Municipio de A Arnoia.

Enlace ao Facebook de “El Camino Miñoto Ribeiro”

Web do Camiño de Santiago